గెలిచానా?ఓడానా?

ఇన్నాళ్ళు  తెలియలేదు నా మనసుకి ఈ లోటు,

మీరు ఉండగ నా చెంత ప్రతి పూట ప్రతి చోటు.

నాలుగెళ్ళ ఈ స్నేహం రాసుంది మునుపెప్పుడొ,

దీని మొదలు గుర్తులేదు తొలి ఎక్కడో,మలి ఎక్కడో.

గెలుపుల్లో చప్పట్లు,

కష్టాలతో ఇక్కట్లు,

మాటలు పెరిగి కలహాలు,

కలిసి పొమ్మనే సలహాలు.

ప్రతి పూట సంబరం,

సంతోషం అంటెను అంబరం,

మరువలేని  ఈ  సావాసాలు,

ఈ జన్మకు ఇది చాలు.

వీడుకోలు దగ్గరయ్యింది వేడి చెమ్మ సాక్షిగా,

కాలన్ని ఆపాలి అని ఉన్నా  నేను బ్రహ్మ కాదుగా!

గెలిచానా మిమ్మల్ని మరల ఓడటానికి?

యుధిష్టిరుడై మూగవోయాను,బదులు లేదు ఈ ప్రశ్నకి!